هل هذي الحضارة ام هي تقليد غربي ام ماذا ؟؟؟

[بدر الجنوب]

كنا نقول اذا اتقابلنا السلام عليكم والحين نقول هاااااي- هاو اريو-هلوووووو

كنا نقول فمان الله والله يحفظك او مع السلامة والحين نقول تشااااو -تيك كير-بااااااي

كنا نقول هلا حياك الله تفضل والحين نقول دق علي قبل لاتجي.

كنا نتفاخر انه عندنا بالبيت جد او جدة والحين صار فيه دار عجزة ومسنين ونستحي يدخلون على الضيوف

كنا نقول تفضلوا للعشا انتم والأهل والحين نقول ممنوع اصطحاب الأطفال

كنا نجتمع نحن وجميع الاسرة على الاكل في كل وقت والحين نادر اذا اتجمعوا اثنين..

كنا نعزم ضيوفنا على ذبايح والحين نعزمهم على دجاجة مع رز او وجبات خفيفه

كنا ندرس طالبين بطاولة وبمحبة والحين كل طالب له طاولة ويكره الثاني

كانت طموحنا انا نصير طيارين ودكاتره والحين طموحنا وظيفة توكل خبز..

كنا نفرح لا نزل المطر نشرب منه ونستعذب والحين ننحاش لايوسخ ملابسنا.

كنا نفرح اذا قالوا قربت الاجازة والحين نص عيالنا وبناتنا باجازة على طول..

كنا نكافح التدخين والحين صار عااااااادي مع الشيشة والارقيلة والمعسل..

كنا نعلم عيالنا القران والسنن والحين مانرضى الا بإنجلش سكول..

كنا متوالفين ونحب بعض الحين مافي غير حسد وغيرة وكراهية

كنا يد وحده نساعد المريض ونكره الظالم والحين كل واحد يقول يانفسي..

كنا قبل لا ننام نقرأ الفاتحة والأذكار والحين مايجينا نوم الا بموسيقى هادئة..

كنا نسامح بعضنا ونصفح عن الغلطان والحين المحاكم ملياااانة بلاوي ومشاكل...

كنا نسمع ابأنا يذكرون الله كل صبح والحين مانسمع الا اللعن والتأفف من الذهاب مبكرا

كنا نشاهد بناتنا بالباس الساتر والعباءه الساتره اما اللحين عباءه مخصرة وجنزات



منقول مع بعض التعديلات من قبلي والاضافات

[bnt-7rsh]

يعطيك العافيه
من جد حنا نسوي اشياء مو حاسين فيها

دائما مبدع

[اللورد ماجد]

فعلا أخي بدر الجنوب
لقد تركنا العادات اللي تفيدنا ورحن لتقليد الغير وهالشي غلط وكان من المفترض نحافظ على الأشياء اللي ماتتغير

يعيطك العافية طرح مميز ويحتاج لنقاش قووووووووي


لاعدمنا التميز بوجودك ياغالي

[بدر الجنوب]

بنت حرش

اللورد

لاعدمت تواجدكم الاكثر من مميز على قلبي

وهذا ليس بغريب عليكم

[đϊ₣₣ϊ€ữℓẗ.ğїяℓ]

بدر دائماا مبدع
موضووعك اربكني
نو كومنت صراااحه
.....
يعطيك العااافيه

[بدر الجنوب]

مشكوره مشرفتنا الغاليه

مروروك ماربكني بل اسعدني

ومتصفحي زاده نورا