al.saahi
11-19-2007, 07:50 AM
السلام عليكم ورحمة الله وبركاته
وصلتني هذي القصه بلوتوث على جوالي بالصوت وكان لها تأثيرها علي وحبيت
انقلها
لكم في هذا المنتدى كأول موضوع لي ...
هذي قصة اثنين كان بينهم خوة وصداقه لم تحصل بين اثنين غيرهم وهم سلطان بن رباح
ومحمد بن عقيل وكانوا مضرب مثل في الصداقه اكبروا الثنين وتزوج سلطان وسمى ولده
محمد على اسم خويه من زود المحبه اللي بينهم وكانوا يحبون المقانيص والصيد
مره من المرات طلعوا للصيد ما معهم ثالث كالعاده بعد الظهر كان محمد يسوي الغدا
وسلطان ينظف السلاح وكان فيه رصاصه ما يدري عنها وطلعت الرصاصه بالغلط
وانقتل محمد شاله سلطان وسلم نفسه وبدوا المشايخ يتوافدون على اهل محمد يطلبون
العفو واعتاق رقبة سلطان ووصلت الديه الى عشرة مليون ولكن للأسف رفضوا اهل محمد
الديه وما قبلوا غير حكم الشرع اللي هو القصاص صدر الحكم على سلطان وكان يوم
جمعه وتم تنفيذ الحكم الصدفه في الموضوع ان قبر سلطان كان جنب قبر محمد
فكانوا اخوان في الدنيا وجيران في القبور .....
والقصيده مسنده للشاعر جزاء البقمي :
يا فلاح الهم خيم فوق قلبي يا فلاح
كيف تبغاني اسولف وانت خابرني عليل
ويش قولك في عليل في حياته ما استراح
تنتثر دمعة عيونه لأظلم الليل الطويل
حالته لما تباعد حال سلطان الرباح
بالخطأ راحت حياته والخطأ ماله مثيل
كان ويا صاحبه اثنين في ارض براح
يطردون الصيد دايم من صبح لين المقيل
اجمعتهم صحبة الدنيا على جد ومزاح
ما يهابون الليالي والحمول اللي تميل
ما قتل عامد ولكن ثور ابليس السلاح
بالخطأ ثار السلاح ووين يلقى له دليل
وانعقد سجنه وربعه تنتظر فك السراح
والأكيد انه سجين وما رضوا ربع القتيل
هل دمعه يوم صلى ركعتين في الصباح
في نهار الجمعه اللي من ثقيل في ثقيل
هلل وكبر ونفسه تذكر اللي راح راح
كان في ربعه عزيز وذله الوقت الذليل
لا محمد لا تهاني لا سعود ولا صلاح
كلهم كانوا على باله وهمه في هديل
طفلة ما كملت عامين صايبها كساح
وانتثر دمعه وحالها من سبايبها نحيل
حان تنفيذ القصاص وغطوا الراس بوشاح
وجاك سيافه يشيل السيف ابو حدٍ صقيل
ارتخى راسه وزاد الموقف الحامي صياح
بين نوح وبين دمع وبين صيحات وعويل
وارتفع صوت الحشود وزاده محمد وصاح
يا يبه تكفى دخيلك تستمع قول الدخيل
يا يبه كيف نصبر كيف نهجع بارتياح
وانت من دنيا عيالك ماخذك مر الرحيل
يا محمد هاك علمي واحفظه قبل المراح
انتبه لأخوانك وبالك عليهم لا تعيل
والله الله في الصلاة والصيام وفي الصلاح
والله الله في امكم والله لكم بعدي كفيل
غمض عيونه ونفسه تطلب الله السماح
رافعٍ سبابته مظلوم والله الوكيل
وسل سياف الصفا سيفه وطقه ثم طاح
راس سلطان المراجل وانتثر دمه يسيل
غسلوه وكفنوه وفاح طيب السدر فاح
وبالمصادف صار قبره جنب قبر ابن العقيل
يا فلاح الكارثه ماهي سوالف يا فلاح
خلني ساكت ودور غير ههالقصه بديل
وسلالالالالامتكم
أتمنى اني نقلت لكم القصه بالتعبير اللائق وتقبلوا تحياتي
.
وصلتني هذي القصه بلوتوث على جوالي بالصوت وكان لها تأثيرها علي وحبيت
انقلها
لكم في هذا المنتدى كأول موضوع لي ...
هذي قصة اثنين كان بينهم خوة وصداقه لم تحصل بين اثنين غيرهم وهم سلطان بن رباح
ومحمد بن عقيل وكانوا مضرب مثل في الصداقه اكبروا الثنين وتزوج سلطان وسمى ولده
محمد على اسم خويه من زود المحبه اللي بينهم وكانوا يحبون المقانيص والصيد
مره من المرات طلعوا للصيد ما معهم ثالث كالعاده بعد الظهر كان محمد يسوي الغدا
وسلطان ينظف السلاح وكان فيه رصاصه ما يدري عنها وطلعت الرصاصه بالغلط
وانقتل محمد شاله سلطان وسلم نفسه وبدوا المشايخ يتوافدون على اهل محمد يطلبون
العفو واعتاق رقبة سلطان ووصلت الديه الى عشرة مليون ولكن للأسف رفضوا اهل محمد
الديه وما قبلوا غير حكم الشرع اللي هو القصاص صدر الحكم على سلطان وكان يوم
جمعه وتم تنفيذ الحكم الصدفه في الموضوع ان قبر سلطان كان جنب قبر محمد
فكانوا اخوان في الدنيا وجيران في القبور .....
والقصيده مسنده للشاعر جزاء البقمي :
يا فلاح الهم خيم فوق قلبي يا فلاح
كيف تبغاني اسولف وانت خابرني عليل
ويش قولك في عليل في حياته ما استراح
تنتثر دمعة عيونه لأظلم الليل الطويل
حالته لما تباعد حال سلطان الرباح
بالخطأ راحت حياته والخطأ ماله مثيل
كان ويا صاحبه اثنين في ارض براح
يطردون الصيد دايم من صبح لين المقيل
اجمعتهم صحبة الدنيا على جد ومزاح
ما يهابون الليالي والحمول اللي تميل
ما قتل عامد ولكن ثور ابليس السلاح
بالخطأ ثار السلاح ووين يلقى له دليل
وانعقد سجنه وربعه تنتظر فك السراح
والأكيد انه سجين وما رضوا ربع القتيل
هل دمعه يوم صلى ركعتين في الصباح
في نهار الجمعه اللي من ثقيل في ثقيل
هلل وكبر ونفسه تذكر اللي راح راح
كان في ربعه عزيز وذله الوقت الذليل
لا محمد لا تهاني لا سعود ولا صلاح
كلهم كانوا على باله وهمه في هديل
طفلة ما كملت عامين صايبها كساح
وانتثر دمعه وحالها من سبايبها نحيل
حان تنفيذ القصاص وغطوا الراس بوشاح
وجاك سيافه يشيل السيف ابو حدٍ صقيل
ارتخى راسه وزاد الموقف الحامي صياح
بين نوح وبين دمع وبين صيحات وعويل
وارتفع صوت الحشود وزاده محمد وصاح
يا يبه تكفى دخيلك تستمع قول الدخيل
يا يبه كيف نصبر كيف نهجع بارتياح
وانت من دنيا عيالك ماخذك مر الرحيل
يا محمد هاك علمي واحفظه قبل المراح
انتبه لأخوانك وبالك عليهم لا تعيل
والله الله في الصلاة والصيام وفي الصلاح
والله الله في امكم والله لكم بعدي كفيل
غمض عيونه ونفسه تطلب الله السماح
رافعٍ سبابته مظلوم والله الوكيل
وسل سياف الصفا سيفه وطقه ثم طاح
راس سلطان المراجل وانتثر دمه يسيل
غسلوه وكفنوه وفاح طيب السدر فاح
وبالمصادف صار قبره جنب قبر ابن العقيل
يا فلاح الكارثه ماهي سوالف يا فلاح
خلني ساكت ودور غير ههالقصه بديل
وسلالالالالامتكم
أتمنى اني نقلت لكم القصه بالتعبير اللائق وتقبلوا تحياتي
.