قصيدة صفر سبعه الشهيرة وقصتها

[اللورد ماجد]

قصيدة صفر سبعه الشهيرة وقصتها
قصيدة صفر سبعه شاعرها من منطقة نجران
و تشير التكهنات انه من اهل شرورة
حاولت معرفة الاسم الحقيقي للشاعر ولكن للاسف

للقصيده قصه حسب ماسمعناها ان الشاعر كان مسافرا خارج المملكه في دورة عمل وهناك تعرف على طالبه من الرياض ونشأت بينهم صداقه واعجبت الفتاه بالشاب لثقافته وذكائه ورجولته
وقبل ان يرجع الى المملكه طلبت منه
ارقام تلفون جواله السعودي ورقم بيته فاعطاها
وكان مفتاح الخط صفر سبعه
فسئلته صفر سبعه
عسى منت منهم
قال وش فيهم صفر سبعه
قالت صفر سبعه متخلفين ويمنيين ومايفهمون
فكانت المحاورة بينه وبينها
انتهت المحاورة بقطع العلاقه وبميلاد القصيدة المشهورة
وكان من ضمن المحاورة انه سألها
عن اصلها واذا هي ترجع لقبيله من قبايل نجد
والشمال وهي في كل مرة تقول لا
اخر شي فهم انها من عائله في نجد لا اصل ولافصل
والواضح ان القصيده وقصتها بعد 11 سبتمبر
اما اذا كانت قبل 11 سبتمبر فهذه معجزة


قالت صفر سبعه (وبس)
قلت البخي سبعه وخير
و على شحم يا عاربه
حنا العرب في كل حال

وانتي حشا مانجهلك
ياخط في بعضه خشير
مابين تركي واعجمي
نارين يحرقها ظلال

قالت انا نجد وكفى
والطيب لانسابي يصير
حنا صفر واحد وبس
حنا ضنا نجد وشمال

قلت اركدي لحظة معي
والمسئلة فيها ضمير
هاك اسمعي علمي خذي
بعطيك لوعندك مجال

قالت بسرعه لاتزيد
الوقت في وقتي قصير
يالله تكلم واختصر
حيرتني وين السؤال

قلت ابشري ابختصر
وان كان به كلمة تثير
تلايطي لاتفتحي
للهرج من يمك جدال


انا اعتقد شمر هلك
ولا دخلتي في مطير
ولاعتيبه او سبيع
او حرب يابنت الحلال

قالت ابد مالك لوا
مالي عليهم مستجير
حنا صفر واحد وبس
حنا ضنا نجد وشمال

قلت اسمحي باقي شوي
ياعاربة مابه كثير
اهلك شرارات او عنوز
ولابقوم اهل النزال

او من خوالد او سهل
ولاعطيوات او ظفير
ولا اها لحظة معي
باقي قبايل ماتنال

قالت ابد مالك لوا
ومالي عليهم مستجير
حنا صفر واحد وبس
والواجهه قلنا شمال

حنا عوايل واسمنا
عادي وعادي لو يصير
الاسم عادي والستر
مستور مافيها جدال

قلت اسلمي دام الاصل
تعريف للاسم الاخير
يكفي بهذا تقطعين
الهرج من قيله وقال

مادام منتي من ضنى
حماية الجار القطير
والله ولاقالت بكم
ياعايلة بين الرجال

اثرك من اهون ما حكوا
عنه طوارق في سدير
واهلك صنع ياصانعه
ياجاليه صفر الدلال

يابنت لو جات الرقوم
اصفار ماتلقى صفير
دام البلى رقمين بس
راح العقل يم الخبال

يالابسه بعد الستر
تي شرت مستورة يثير
خليك في لعبك سلى
انتي واشباه الرجال

حنا ترى عز الفخر
واللي بنا يفخر جدير
وافعالنا ماتختفي
لاصارت الدنيا سجال

يابنت واشنطون و(يورك)
اعجاجهن منا يطير
واللي هلك عنده عبيد
من فعلنا شاف الهبال

وكابل سقينا ارضها
من دمنا وانتي بخير
في حضن ماما نايمه
بين النعومه والدلال

والروس تعرف نارنا
لاصاح من صوته جهير
نسقي كبود الظاميه
من عذبنا الصافي زلال

والعذر لو هاج الشعر
او مد من بحرة غزير
المعذرة والمعذرة
يانجد واطراف الشمال

والله أنك وافي وأنك رجال من صلب رجال:biggrin211::laugh24:

[al.saahi]

فيه بيت شعر أعجبني يقول


ليس الفتى من قال هذا أبي ........ إن الفتى من قال هذا أنا

والنعم بكل القبايل ومن حق الشخص انه يفخربأصله وقبيلته بشرط ما توصل للعصبيه القبليه


لأن الرسول اللهم صي وسلم عليه قال : (( دعوها فإنها منتنه )) أو كما قال


يعطيك العااااااافيه أخوي اللورد ماجد على الموضوع الرائع ودائمأ مبدع ومتميز


تقبل مروري وتحياتي ولا عدمناك


.


http://www.up.5alid.com/up/uploads/9bd046ded3.gif (http://www.up.5alid.com/up)

[اللورد ماجد]

مشكوور على مرورك
شرفتني ياغالي هي ياليست قبلية القصيدة بل شملت جميع القبايل
ورد على الفترة اللي صرنا يا 07سبه
هههههههههههههههههههههههههههههههههههههههههه

[بدر الجنوب]

بيض الله وجهه ووجهك انت يالغالي

بصراحة امتعتنا بالقصة والابيات الرائعة

فعلا رد عليها خير رد

تميز في تميز = اللورد ماجد

[اللورد ماجد]

بدر الجنوب
شرفتني بوجودك يالغالي
الله يخليك لكل عين ترجيك

[مشفرة الماضي]

خطيرررررررررررررررررره لبى قلبك

[اللورد ماجد]

ههههههههههههههه

مشكورة على مرورك يامشفرة

[أميرة الإحساس]

ووووووووووووووواااااااااااوووووووروعه القصيده كل القبايل منوره القصيده

يسلموعلى هيك قصيده:x1::x1:
بس ايش دخل منطقتي هههههه:36_9_2:

[شوجي]

اللورد ماجد


اولا :36_1_39: اقدم تحية لأهل الجنوب


قصيدة رااااااااائعة يالغلا ماجد


ابدعت وهذا ما تعودناه منك


تقبل مروري



تحياتي

[همسة احساس]

اول شي اشكرك يالمبدع ماجد موضوع ولا اروع منه خاصه اني صفر سبعه على قولهم
ولقيت قصيده حلوه عجبتني في صفر سبعه والنعم في كل القبايل

[همسة احساس]

يـالله سـألتك يـــوم للـناس رجعه000 تغفر ذنوبي وتجعل لي قبول وشفعه

بعض الخلايق سبني صفر سبعه000 وأنا أفتخر وأعتز في صفر سبعه

والله جعل ايام الاسبوع سبعه 000 والارض سبعه والسموات سبعه

وابدا نهاري بتمرات سبعه000 واطوف في حجي على البيت سبعه

واسعى لطاعة منزل الوحي سبعه 000 وارجمك يالشيطان باحجار سبعه

نسجد لباري الكون باعضاء سبعه 000 واوتر لرب العرش في الليل سبعه

وعجايب الدنيا في الارض سبعه 000 ومعلقات البدع والعرش سبعه

الجاهل اللي سب اصله وفرعه 000 واللي جعل من الحقد فنه وطبعه

ماسبني الا طامع فيه طمعه 000 للصيت يسعى بين اهله وربعه

حنا شيوخ الأرض في كل بقعه 000 اهل الكرم والجود شيمه وفزعه

من رامنا بالشر ينثر جمعه 000 لطامة الغاوي نبادر بردعه

لباسة البلجيك نفخر برفعه 000 نحمي الوطن والدين من كل بدعه

مربى الأسد والنمر في صفر سبعه 000 وحنا لنا في الحرب صوله وصرعه

نعمر بيوت الله فرضا وجمعه 000 ونسبحه في كل سجده وركعه