ℓαυпќ αнŋ•彡
03-27-2011, 11:47 PM
ياناس خلونا خلونا
زوجونا زوجونا احلا عروسين
للكوشه زفونا
شبكو ايادينا
ادعو وهنونا
انا مابي غيره ،،،،، وغيره مايحلالي
ودوني ودوني للغالي ودوني
هذولي البنات قبل يتزوجن ويوم طاح الفأس بالراس انقلب الحال إلي دوامه من المحال
وصارو يبكون ويولولون ويندبون حظهم الا قله قليله منهم .
ابي اعرف ليه بعض الميتات ع الزواج هن اول ناس يتطلقون بسرعه !!
خلونا ناخذ عينه من المجتمع نبحث فيها اسباب الطلاق ونستعرض صور لضحاياه = ع هالشرح كني مدرسة علم اجتماع متقاعده http://www.vb.eqla3.com/images/smilies/smile/khraf.gif
http://khazn.com/uploads/images/c-06be698471b7bfcd1ac1d21d427486b2.jpg
قمره ام لاربع بقرات سوري اقصد بنات
كل بنت جابتها في وقت مميز بالنسبه لها وعلى كذا كانت اساميهم :
الاولى : ضحى
لانها جابتها وقت الضحى مع انها تأخرت شوي وتعسرت في ولادتها جابتها في الضحى العود بس اكتفت بتسميتها بضحى .
الثانيه : شمس
ولدتها وقت شروق الشمس
الثالثه: ليالي
جابتها ليلا بس ماتدري اي ساعه
الرابعه : ثوره
ولدتها وهي تتفرج ع سلسلة الثورات إلي صايره في العالم :
[إبتداء من تونس وإنتهاء بــ .... !؟
الله اعلم ]
تزوجو الخوات الثلاث في ليله وحده ( ضحى، شمس ، ليالي )
قمره مسكت بناتها تنصحهن وانهم مقدمات ع حياه جديده ومسئوليات وهي تنصحهم قامت تخربط كنها المحشش القذافي وهو يثور الشعب ع بعض ويهدد ويقول هاجموهم وتسلحو لانهم شعب مايحبون زعيمهم= هي بالعافيه تنحب !!
قامت تخربط وتبربر على روسهن في بالها انها تنصحهن وهي تحرضهن وينها عن الاعرابيه التي كانت من نصائحها لابنتها في ليلة زفافها :
( كوني إمراءه صالحه اذا نظر إليها سرته واذا اقترب منها وجد ريحا طيبا ووجها حسنا )
عكس قمره تماما : ( اركبيه لايركبس يعني تحكمي فيه لايتحكم فيك ؛ شوفوني انا ممشيه امور البيت وابوكم يسمع كلامي = اي هين الا حايسها حوس وهي تنصب ع بناتها ؛
اذا قالك صلحي شي لاتصلحينه اذا جا من الدوام خليه يلقاك نايمه و اذا ناداك لاتفزين له اثقلي ترى الرياجيل يحبون البنت الثقيله !!
خليه يحس بقيمتس واذا طلب اي شي عانديه ووريه العين الحمرا ترى الرياجيل ماينفع معهم الا كذا )
عقب ماخلصت قمره من نصايحها : فهمتن يابناتي ؟
(البنات هزن روسهن زي الهنود)
دخل كل عريس واخذ عروسته
راحت ضحى مع زوجها في فندق وكان فيه كاس مويه ع الطاوله ( ورجالها كان بيختبرها !!!
اذا جابت المويه له نجحت فالاختبار ؛ هو الثاني ماقصرت امه فالنصايــح كخخ)
تذكرت ضحى كلام امها : اركبيه لايركبس عيت طلب منها مره ثانيه : يابنت انا ظميان هاتيلي كاس المويه
ضحى: معصي ، ع طول طلقها رجعت لبيت اهلها في نفس ليلة عرسها علمتهم بالسالفه.
قمره: يالخبله انا يوم اقولس كذا قصدي لاتطيعينه في كل شي مهوب حاجتن تافهه زي هاذي ويطلقس لابارك الله فيه الحين الناس وش بيقولون طلقها من اول ليله .
ضحى : يمه انتي خربتي حياتي ليتني ماسمعت كلامك وقامت تندب حظها وتتذمر وتتندم وتحط كل اللوم ع امها وكن ماعندها اي مـــــخ = (بعد هو حقير يتحكم فيها من اول ليله !؟ عـــروس ياخي دلعها غنجها شوي وبعدين حوسها مو مشكله كخخ)
اما شمس فمرت سنه وامورها مع زوجها تمام لكن زوجها رخمه بمعنى الكلمه واهله يتدخلون في كل شي وكلمه توديه وتجيبه شمس صابره ونفس الوقت مو راضيه تعيش مع اهله.
هم عايشين الدور العلوي واهله تحت.
(عشان كذا نصيحه ترى الاستقلاليه مطلب من متطلبات الحياه الزوجيه درءا" للمشاكل)
شمس طلبت من زوجها يمشيها بتغير جو ،نطو خواته الشيفات ( كل وحده كبر الحمار وتقول لامها ماما وابوها بابا مدلعات اقوى شي بس الدلع لاشاف وجيههن الودره وكششهن المنفوشه قال انا بوادي وانتم بوادي )
نطو خواته حشرو نفسهم معه وزهقت شمس فالسياره ودها تقول كلام خاص لزوجها بس الناشبات ماخلو لها مجال ابد مافي خصوصيه نزلت من السياره قبلهن قفلت البيبان عليهم ومسكت يد زوجها وتمشت وياه يوم خلصت ركبو السياره ورجعو للبيت .
بعد سنه شمس حملت ويوم جاها الطلق وداها زوجها للمستشفى وهي في غرفة الولاده :
الممرضه : تبين زوجك يساعدك في الولاده ؟
(شمس وجهها يصبصب عرق وطلعت عيونها زود من الممرضه يوم قالت هالكلام ) :
وين يساعدني لا ، لا تخلينه يدخل !
الممرضه: مالت عليكم ماتبون رياجيلكم يشوفون وش قد انتم تتعبون عشان يراعونكم ، وتقولون ليش تحملون كل سنه ، بعض حريم العرب تخلي رجالها يقطع الحبل السري للمولود/ه وفي اوروبا يخلونه يتنفس معها ويعلمها متى تصايح عشان تسهل ولادتها
شمس صاحت ع الممرضه : ياسستر روحي عني مو فاضيتلك انتي و ..... (تبي تقول وسواليفك) مايمديها تكمل الا وتجيب ولد وبعدها بدقيقتين طلع الثاني جابت توأم
فرحو العائلتين ويافرحه ماتمت شمس كانت في ايامها الاخيره من النفاس جت عمتها (ام زوجها) طلبت منها تسوي الذبيحه بيجونها معازيم.
شمس : والبنات ؟
عمتها : بناتي صغار جهاهيل مايعرفون يطبخون الذبايح
وهي نازله تطبخ تعبانه حيل بس بتصبر عشان عيالها التوأم يناظرونها حمواتها (خوات رجلها) بنظرات كره استفزازيه ويكشن عليها ويطلعون لسانهم يسوون حركات مبزره هي تناظرهن وتقطع البصل ودها تنغز السكين في عيونهن
عقب ماخلصت شمس من طبخ الذبيحه واكلوها المعازيم مدحو طبخها الا عمتها ماشكرتها ولامدحتها
جلست شمس مع الحريم ، عمتها ما ودها انها تجلس معهم = تبي تاخذ راحتها في الحش ، وهالحريم وسوالفهن السامجه فلانه تطلقت
علانه تزوجت ، فلانه حملت ،علانه تحنطت = كخخ
وحده منهم : يوه ماتخبرون هالمسيكينه إلي طلقها من ليلتها يقولون انها بشعه دخل عليها وارتاع
هي من هي بنته ؟
شمس ( حست ان الحريم مسخوها حيل كنهم يدقون دقه ع اختها ضحى ارتفع امبير الضغط عندها) : لا اختي مو بشعه احترمي نفسك انتي وياها كل السالفه ماحصل بينهم تفاهم وماصار نصيب لاتقعدون تملحون وتزيدون ع كيفكم.
غيرو الحريم السالفه وحده منهم ماتابت ( لسانها ياكلها الا تجيب سيرة الـــطــلاق ): يوه ماتخبرون جارتنا ام تركي الي 50 سنه ماعمرها نطلت البرقع عن وجهها يقولون رجالها وهي نايمه شال برقعها بيشوف وجهها وهي تشكي عليه فالمحكمه تبي الطلاق ،ياخيه الناس هاذي مادري وش جاها ع الطلاق ، لا ووحده ثانيه تقول : ايه وانتي الصادقه ياخيه حتى فيه وحده طلبت الطلاق من زوجها بس عشانه مسميها فالجوال ( ابوغريب) الرياجيل مايحبون الحرمه الي تحبهم وان درو صارت ماتسوى كرت عندهم ، يحبون يعدون ورى الحرمه إلي تكرشهم .
رن جوال شمس (حياة الروح) يتصل بك
طلعت من المجلس تكلم زوجها ووحده من الحريم تضحك تدرون وش هالخبله مسميتن رجالها فجوالها ( حياة الروح) واستلمو شمس بالحش.
شمس تبي تطلع فوق طلبت منها عمتها تغسل المواعين
زوجونا زوجونا احلا عروسين
للكوشه زفونا
شبكو ايادينا
ادعو وهنونا
انا مابي غيره ،،،،، وغيره مايحلالي
ودوني ودوني للغالي ودوني
هذولي البنات قبل يتزوجن ويوم طاح الفأس بالراس انقلب الحال إلي دوامه من المحال
وصارو يبكون ويولولون ويندبون حظهم الا قله قليله منهم .
ابي اعرف ليه بعض الميتات ع الزواج هن اول ناس يتطلقون بسرعه !!
خلونا ناخذ عينه من المجتمع نبحث فيها اسباب الطلاق ونستعرض صور لضحاياه = ع هالشرح كني مدرسة علم اجتماع متقاعده http://www.vb.eqla3.com/images/smilies/smile/khraf.gif
http://khazn.com/uploads/images/c-06be698471b7bfcd1ac1d21d427486b2.jpg
قمره ام لاربع بقرات سوري اقصد بنات
كل بنت جابتها في وقت مميز بالنسبه لها وعلى كذا كانت اساميهم :
الاولى : ضحى
لانها جابتها وقت الضحى مع انها تأخرت شوي وتعسرت في ولادتها جابتها في الضحى العود بس اكتفت بتسميتها بضحى .
الثانيه : شمس
ولدتها وقت شروق الشمس
الثالثه: ليالي
جابتها ليلا بس ماتدري اي ساعه
الرابعه : ثوره
ولدتها وهي تتفرج ع سلسلة الثورات إلي صايره في العالم :
[إبتداء من تونس وإنتهاء بــ .... !؟
الله اعلم ]
تزوجو الخوات الثلاث في ليله وحده ( ضحى، شمس ، ليالي )
قمره مسكت بناتها تنصحهن وانهم مقدمات ع حياه جديده ومسئوليات وهي تنصحهم قامت تخربط كنها المحشش القذافي وهو يثور الشعب ع بعض ويهدد ويقول هاجموهم وتسلحو لانهم شعب مايحبون زعيمهم= هي بالعافيه تنحب !!
قامت تخربط وتبربر على روسهن في بالها انها تنصحهن وهي تحرضهن وينها عن الاعرابيه التي كانت من نصائحها لابنتها في ليلة زفافها :
( كوني إمراءه صالحه اذا نظر إليها سرته واذا اقترب منها وجد ريحا طيبا ووجها حسنا )
عكس قمره تماما : ( اركبيه لايركبس يعني تحكمي فيه لايتحكم فيك ؛ شوفوني انا ممشيه امور البيت وابوكم يسمع كلامي = اي هين الا حايسها حوس وهي تنصب ع بناتها ؛
اذا قالك صلحي شي لاتصلحينه اذا جا من الدوام خليه يلقاك نايمه و اذا ناداك لاتفزين له اثقلي ترى الرياجيل يحبون البنت الثقيله !!
خليه يحس بقيمتس واذا طلب اي شي عانديه ووريه العين الحمرا ترى الرياجيل ماينفع معهم الا كذا )
عقب ماخلصت قمره من نصايحها : فهمتن يابناتي ؟
(البنات هزن روسهن زي الهنود)
دخل كل عريس واخذ عروسته
راحت ضحى مع زوجها في فندق وكان فيه كاس مويه ع الطاوله ( ورجالها كان بيختبرها !!!
اذا جابت المويه له نجحت فالاختبار ؛ هو الثاني ماقصرت امه فالنصايــح كخخ)
تذكرت ضحى كلام امها : اركبيه لايركبس عيت طلب منها مره ثانيه : يابنت انا ظميان هاتيلي كاس المويه
ضحى: معصي ، ع طول طلقها رجعت لبيت اهلها في نفس ليلة عرسها علمتهم بالسالفه.
قمره: يالخبله انا يوم اقولس كذا قصدي لاتطيعينه في كل شي مهوب حاجتن تافهه زي هاذي ويطلقس لابارك الله فيه الحين الناس وش بيقولون طلقها من اول ليله .
ضحى : يمه انتي خربتي حياتي ليتني ماسمعت كلامك وقامت تندب حظها وتتذمر وتتندم وتحط كل اللوم ع امها وكن ماعندها اي مـــــخ = (بعد هو حقير يتحكم فيها من اول ليله !؟ عـــروس ياخي دلعها غنجها شوي وبعدين حوسها مو مشكله كخخ)
اما شمس فمرت سنه وامورها مع زوجها تمام لكن زوجها رخمه بمعنى الكلمه واهله يتدخلون في كل شي وكلمه توديه وتجيبه شمس صابره ونفس الوقت مو راضيه تعيش مع اهله.
هم عايشين الدور العلوي واهله تحت.
(عشان كذا نصيحه ترى الاستقلاليه مطلب من متطلبات الحياه الزوجيه درءا" للمشاكل)
شمس طلبت من زوجها يمشيها بتغير جو ،نطو خواته الشيفات ( كل وحده كبر الحمار وتقول لامها ماما وابوها بابا مدلعات اقوى شي بس الدلع لاشاف وجيههن الودره وكششهن المنفوشه قال انا بوادي وانتم بوادي )
نطو خواته حشرو نفسهم معه وزهقت شمس فالسياره ودها تقول كلام خاص لزوجها بس الناشبات ماخلو لها مجال ابد مافي خصوصيه نزلت من السياره قبلهن قفلت البيبان عليهم ومسكت يد زوجها وتمشت وياه يوم خلصت ركبو السياره ورجعو للبيت .
بعد سنه شمس حملت ويوم جاها الطلق وداها زوجها للمستشفى وهي في غرفة الولاده :
الممرضه : تبين زوجك يساعدك في الولاده ؟
(شمس وجهها يصبصب عرق وطلعت عيونها زود من الممرضه يوم قالت هالكلام ) :
وين يساعدني لا ، لا تخلينه يدخل !
الممرضه: مالت عليكم ماتبون رياجيلكم يشوفون وش قد انتم تتعبون عشان يراعونكم ، وتقولون ليش تحملون كل سنه ، بعض حريم العرب تخلي رجالها يقطع الحبل السري للمولود/ه وفي اوروبا يخلونه يتنفس معها ويعلمها متى تصايح عشان تسهل ولادتها
شمس صاحت ع الممرضه : ياسستر روحي عني مو فاضيتلك انتي و ..... (تبي تقول وسواليفك) مايمديها تكمل الا وتجيب ولد وبعدها بدقيقتين طلع الثاني جابت توأم
فرحو العائلتين ويافرحه ماتمت شمس كانت في ايامها الاخيره من النفاس جت عمتها (ام زوجها) طلبت منها تسوي الذبيحه بيجونها معازيم.
شمس : والبنات ؟
عمتها : بناتي صغار جهاهيل مايعرفون يطبخون الذبايح
وهي نازله تطبخ تعبانه حيل بس بتصبر عشان عيالها التوأم يناظرونها حمواتها (خوات رجلها) بنظرات كره استفزازيه ويكشن عليها ويطلعون لسانهم يسوون حركات مبزره هي تناظرهن وتقطع البصل ودها تنغز السكين في عيونهن
عقب ماخلصت شمس من طبخ الذبيحه واكلوها المعازيم مدحو طبخها الا عمتها ماشكرتها ولامدحتها
جلست شمس مع الحريم ، عمتها ما ودها انها تجلس معهم = تبي تاخذ راحتها في الحش ، وهالحريم وسوالفهن السامجه فلانه تطلقت
علانه تزوجت ، فلانه حملت ،علانه تحنطت = كخخ
وحده منهم : يوه ماتخبرون هالمسيكينه إلي طلقها من ليلتها يقولون انها بشعه دخل عليها وارتاع
هي من هي بنته ؟
شمس ( حست ان الحريم مسخوها حيل كنهم يدقون دقه ع اختها ضحى ارتفع امبير الضغط عندها) : لا اختي مو بشعه احترمي نفسك انتي وياها كل السالفه ماحصل بينهم تفاهم وماصار نصيب لاتقعدون تملحون وتزيدون ع كيفكم.
غيرو الحريم السالفه وحده منهم ماتابت ( لسانها ياكلها الا تجيب سيرة الـــطــلاق ): يوه ماتخبرون جارتنا ام تركي الي 50 سنه ماعمرها نطلت البرقع عن وجهها يقولون رجالها وهي نايمه شال برقعها بيشوف وجهها وهي تشكي عليه فالمحكمه تبي الطلاق ،ياخيه الناس هاذي مادري وش جاها ع الطلاق ، لا ووحده ثانيه تقول : ايه وانتي الصادقه ياخيه حتى فيه وحده طلبت الطلاق من زوجها بس عشانه مسميها فالجوال ( ابوغريب) الرياجيل مايحبون الحرمه الي تحبهم وان درو صارت ماتسوى كرت عندهم ، يحبون يعدون ورى الحرمه إلي تكرشهم .
رن جوال شمس (حياة الروح) يتصل بك
طلعت من المجلس تكلم زوجها ووحده من الحريم تضحك تدرون وش هالخبله مسميتن رجالها فجوالها ( حياة الروح) واستلمو شمس بالحش.
شمس تبي تطلع فوق طلبت منها عمتها تغسل المواعين